Давид Луис нима учун "Челси"дан "Арсенал"га ўтганини айтди

Англиядаги трансферлар ойнасининг охирида Давид Луис "Челси"дан "Арсенал"га ўтди. Футболчи нимага бу қарорга келганини очиқлаб берди.

"Адолатли бўлишга ҳаракат қиламан. "Челси"да бахтли эканлигимни ва у ерда кўплаб совринларни ютганимни ҳамма билади. Мен Лэмпард билан гаплашиб олдим. Мен унинг бу йил учун тузган режаларига кирмадим", - дейди бразилиялик.

"Мен у ерда қолишим ва пул ишлаб ўтиришим мумкин эди, аммо менга янги чақирувлар ёқади. Бу менга мотивация беради. Фаолиятимни якунлаган пайтим футболни соғинишим аниқ", - деб қўшимча қилди Луис.