08 мар 08:32
Янгиликлар

Теннис

Davis Cup. АҚШ - Ўзбекистон баҳси кутилган ҳисоб билан якунланди

АҚШ ва Ўзбекистон терма жамоалари ўртасидаги Дэвис Кубогининг плей-офф босқичидан ўрин олган учрашув якунланди.

Мусобақанинг кеча ўтказилган биринчи кунги яккалик баҳсларида Денис Истомин ва Санжар Файзиев рақибларига имкониятни бой беришганди. Бугун бундан бир неча дақиқа аввал иккинчи кунги учрашувлар ҳам кутилган натижа билан якунланди.

Аввалига Денис Истомин рейтингнинг 57-поғонасидан жой олиб турган Томми Полга 3:6, 0:6 ҳисобида ютқазиб қўйди. Кейин эса жуфтлик баҳсида Истомин/Файзиев ҳамкорлиги америкалик машҳур жуфтлик - ака-ука Брайанларга 3:6, 4:6 ҳисобида енгилишди. Файзиевнинг яккаликдаги Рейли Опелкага қарши ўтказиши лозим бўлган учрашуви бекор қилинди.

Шу тариқа, Фарруҳ Дўстов сардорлигидаги Ўзбекистон терма жамоаси океан ортида жуда ҳам кучли бўлган АҚШ терма жамоасига 0:4 ҳисобида мағлуб бўлди.