Давлат Бобонов ҳам финал чиптасини қўлга киритди

Муҳаммадкарим Ҳуррамовдан сўнг Давлат Бобонов ҳам финал иштирокчисига айланди. -90 кг вазн тоифасидаги дзюдочимиз рейтингнинг 4-поғонасидан жой олиб турган кубалик Иван Фелипе Моралес Сильвани муддатидан аввал мағлубиятга учратишга муваффақ бўлди. 

Бобонов рейтингда 37-поғонадан жой эгаллаганини инобатга олсак, бу дзюдочимиз учун катта муваффақият. У ҳам Муҳаммадкарим Ҳуррамов сингари камида кумуш медални нақд қилди. Лекин юқорида айтганимиздек бизга Дюссельдорф турнирининг олтин медали керак!