Даврон Файзиев Дрикюс Дю Плесси - Хамзат Чимаев жангига тахмин билдирди

"Бу мен энг кўп кутаётган жанглардан бири. Хамзат Чимаев учун жиддий тест. Албатта, бундан олдин ҳам у собиқ чемпион билан, аниқроғи, Роберт Уиттакер жанг қилганди. Лекин тан олиш керак, ўша пайтда Уиттакер прайм вариантида эмасди.  Чимаев Дю Плессининг прайм варианти билан жанг қилади. Хамзат камарни қўлга киритган тақдирда фаолиятини якунлаши ҳақида гап-сўзлар юрибди. 

Шундай экан, у бу жангга борини тикади. Дрикюс ҳам зўр жангчи, айниқса, тик турган ҳолда. Тахминимча, Хамзат уни илк сонияларданоқ партерга тортади, лекин таваккал қилмайди. Бироқ таваккал қилиб, тик турган ҳолда жанг қилса, ажойиб тайёрланган бўлади. 

Менимча, Дрикюс кардиоси яхши эканлиги учун ҳам тўлиқ жанг ўтказишга ҳаракат қилади. Хамзат эса А режасини ишга солиб, партер орқали жангни эртароқ якунлашга ҳаракат қилади", деди Файзиев Olamsport.com мухбири Сарвиноз Раҳмонқулова билан суҳбатда.