10 май 13:31
Янгиликлар

Бокс/ММА

DAZN Канело - Жейкобс жангидан 50 млн доллар фойда қилди

DAZN стриминг сервиси WBC, WBA ва IBF йўналишлари чемпиони Сауль “Канело” Альварес иштирокидаги жангдан яхшигина даромад қилди.

Хабарингиз бор, якшанба тонгида мексикалик боксчи эндиликда собиқ IBF чемпиони америкалик Дэниэл Жейкобсга қарши бирлаштирувчи чемпионлик жангида рингга кўтарилган ва рақибини очколар ҳисобига кўра мағлуб этган эди.

Ҳисоб-китобларга кўра, ушбу жангни трансляция ҳуқуқига эга DAZN орқали мазкур тизимга аъзо 1,2 млн киши томоша қилган. Шуларнинг 700 000 нафари жонли эфирда жангни кўрган.

Los Angeles Times нашри берган хабарга таянадиган бўлсак, DAZN жанг трансляциясидан 50 миллион доллар даромад олган. Forbes журнали тахминига кўра, DAZN платформасига АҚШ, Канада, Германия, Австрия, Швейцария, Италия, Испания ва Японияда 4 миллиондан зиёд киши обуна бўлган.