Денис Истомин катта танаффусдан кейин яккалик баҳсида кортга чиқди

Биз учун аҳамиятлиси, унда мамлакатимизнинг собиқ биринчи ракеткаси Денис Истомин ҳам иштирок этяпти. Тажрибали теннисчимиз катта танаффусдан кейин ўзини яна бир бор яккалик баҳсларида синаб кўрди. 

Мусобақанинг саралаш баҳсларига имтиёзли йўлланмани қўлга киритган ҳамюртимиз испаниялик Давид Санчисга қарши кортга чиқди. Икки дақиқаси кам бир соат давом этган учрашувда саралашнинг олтинчи ракеткаси ҳисобланган Санчис 6/1, 6/1 ҳисобида зафар қучди.   

Таққослаш учун, испаниялик теннисчи дунёнинг 429-ракеткаси бўлиб турибди. Денис Истомин эса ATP рейтингига киритилмаган. Ҳамюртимиз сўнгги бор 2023 йилнинг 23 июль куни Қозоғистоннинг Астана шаҳридаги турнирнинг яккалик баҳсларида кортга чиққанди.