11 авг 08:59
Янгиликлар

Бокс/ММА

Расман. Арман Царукян чемпионлик камари учун жанги ўтказади + ПОСТЕР

UFC енгил вазн тоифаси рейтингида иккинчи ўринда бораётган Арман Царукян ҳамда Misfits лигасининг ярим оғир вазндаги чемпиони Диллон Дэнис ўртасида камар учун беллашув ўтказилади.

Улар ўртасидаги грэпплинг баҳси 3 октябрь куни Лас-Вегас шаҳрида бўлиб ўтади. Царукян ва Дэнис RAF 14 турнирида ўрта вазн тоифасидаги RAF чемпиони унвони учун жанг қилади.

Царукян аввал ҳам RAF промоушенида жанг ўтказган. У июль ойида ташкилотдаги илк мағлубиятини қайд этиб, муросасиз кечган жангда Колби Ковингтонга очколар бўйича ютқазган эди.

Дэниснинг RAFдаги рекорди эса 0-2. У дебют жангида Ковингтонга, кейин эса UFC собиқ чемпиони Хамзат Чимаевга мағлуб бўлган. Чимаевга қарши жангдан сўнг саҳнада оммавий жанжал келиб чиққан ва вазиятга хавфсизлик ходимлари аралашишига тўғри келганди.