01 мар 07:11
Янгиликлар

Теннис

Денис Истомин Колумбус турнири бош соврини учун кортга чиқади

АҚШнинг Колумбус шаҳри мезбонлик қилаётган теннис бўйича "Челленжер" турнири ўзининг ҳал қилувчи палласига етиб келди.

Ушбу мусобақада Ўзбекистоннинг биринчи ракеткаси Денис Истомин (рейтингда 165-ўрин) ҳам муваффақиятли иштирок этяпти. Баҳсларга тўғридан-тўғри иккинчи босқичдан қўшилган ҳамюртимиз мусобақанинг ҳал қилувчи финал учрашувига йўл олди.

Истомин ярим финал учрашувида рейтингнинг 172-поғонасидан жой олиб турган австриялик Юрий Родионовга қарши баҳс олиб борди. Денис 80 дақиқа давом этган учрашувда рақибидан 6:3, 7:6(1) ҳисобида зафар қучди. Бугун Истомин бош соврин учун рейтингда ўзидан икки поғона юқорида турган америкалик Жеффри Жон Волфга қарши кортга чиқади.