25 ноя 10:56
Янгиликлар

Бокс/ММА

Денис Лебедев қайтишини ғалаба билан нишонлади

Россиялик собиқ жаҳон чемпиони Денис Лебедев (32-2, 23 КО) катта танаффусдан сўнг ўзининг навбатдаги жангини ўтказди.

Монако Қироллигида бўлиб ўтган бокс оқшомида у америкалик Майк Уилсон (19-1, 8 КО) билан тўқнаш келди. Лебедев тўртинчи раундда рақибини кучли зарба эвазига мувозанатдан чиқарди. Лекин америкалик боксчи ўзига келиб олди.

Ўн икки раунд тўлиқ давом этган жанг якунида Денис рақибидан очколар ҳисобига кўра устун келди. Ҳакамлар бир овоздан 117-111, 119-109, 119-109 ҳисобидаги ғалабани Лебедевга тақдим этишди.