Дэвид Бенавидес — Калеб Плант жанги расман эълон қилинди

Иккинчи ўрта вазн тоифасида америкалик собиқ жаҳон чемпионлари — Дэвид Бенавидес (26-0) ва Калеб Плантнинг (22-1) ўзаро жанги қачон ва қаерда бўлиб ўтиши маълум бўлди.

Бу ҳақда ESPN нашри муҳбири, инсайдер Майк Коппинжер хабар берган. Коппинжернинг ёзишича, Бенавидес - Плант жанги 25 март куни Лас-Вегас (АҚШ) шаҳрида жойлашган MGM Grand аренасида ўтказилади. 12 раундга мўлжалланган жанг Бенавидеснинг WBC вақтинчалик чемпионлик камари учун бўлиб ўтади.

Дэвид Бенавидес сўнгги бор 2022 йил 21 май куни канадалик Давид Лемьёга (43-5) қарши жанг қилиб, ғалаба қозонган эди. Мазкур ғалаба орқали Бенавидес иккинчи ўрта вазнда WBC вақтинчалик чемпионлик камарига эга бўлган эди. Калеб Плант эса оҳирги жангида Энтони Диррелга (34-3-2) қарши рингга кўтарилиб, муддатидан аввал ғолиб бўлган эди.

David Benavidez and Caleb Plant will meet March 25 at MGM Grand Garden Arena in Las Vegas on Showtime PPV, sources tell ESPN. Big-time fight at 168 pounds.

— Mike Coppinger (@MikeCoppinger) January 18, 2023