“Дэвис Кубоги-2020”га қуръа ташланди. Ўзбекистон АҚШга боради!

Саралаш учрашувлари 2020 йилнинг 6-7 март кунлари бўлиб ўтади. Жуфтлик ғолиблари мусобақанинг финал босқичига йўл олади. Ўзбекистон терма жамоаси қуръа натижасига кўра, АҚШ майдонига сафар уюштирадиган бўлди. 

АҚШ терма жамоаси биз учун бегона эмас. Ёдингизда бўлса, терма жамоамиз жаҳон лигаси йўлланмаси учун Тошкентда кечган учрашувда АҚШга имкониятни бой бериб қўйган эди.  

Россия, Буюк Британия, Канада, Испания, Франция ва Сербия терма жамоалари “Дэвис Кубоги-2020” финал босқичидаги иштирокларини кафолатлаб бўлишган. 

Қуръа натижалари: 

Хорватия - Покистон ёки Ҳиндистон

Венгрия - Бельгия

Колумбия - Аргентина

АҚШ - Ўзбекистон

Австралия - Бразилия

Италия - Жанубий Корея

Германия - Беларусь

Қозоғистон - Голландия

Словакия - Чехия

Австрия - Уругвай

Япония - Эквадор

Швеция - Чили