14 мар 18:34
Янгиликлар

Теннис

Дэвис Кубоги-2024 гуруҳ босқичи 4 та шаҳарда бўлиб ўтади

Теннис бўйича терма жамоалар ўртасида норасмий жаҳон чемпионати ҳисобланган Дэвис Кубоги-2024 гуруҳ босқичига мезбонлик қиладиган шаҳарлар номи маълум бўлди.

Ташкилотчилар 10-15 сентябрь кунлари ўтказиладиган гуруҳ босқич баҳслари ўтган мавсумда бўлгани сингари Болонья (Италия), Манчестер (Буюк Британия) ва Валенсия (Испания) шаҳарларида ўтишини тасдиқлашди. Фақат битта ўзгариш - Чжухай (Хитой) Хорватиянинг Сплит шаҳри ўрнига мусобақа мезбонлари сафига киритилган.

Маълумот учун, квалификация баҳсаридан муваффақиятли ўтиб олган 16 терма жамоа - Австралия, Аргентина, Бельгия, Бразилия, Буюк Британия, Германия, Испания, Италия, Канада, Нидерландия, Словакия, АҚШ, Финляндия, Франция, Чили ва Чехия 4 та гуруҳга бўлинган ҳолда плей-офф йўлланмаси учун кураш олиб боради. Қуръа ташлаш маросими 19 март куни бўлиб ўтади.