07 мар 10:13
Янгиликлар

Теннис

Дэвис Кубоги: АҚШ - Ўзбекистон. Истомин бошлаб берди

Бугун АҚШ ва Ўзбекистон терма жамоалари ўртасидаги Дэвис Кубоги доирасидаги учрашув бошланди.

Норасмий жаҳон чемпионати ҳисобланган Davis cup мусобақасининг плей-офф босқичидан ўрин олган ушбу қарама-қаршиликни мамлакатимизнинг биринчи ракеткаси Денис Истомин бошлаб берди.

Афсуски, рейтингнинг 156-поғонасидан жой олиб турган ҳамюртимиз дунёнинг 38-ракеткаси Райли Опелкага қарши кечган учрашувда 2:6, 5:7 ҳисобида ютқазиб қўйди. Учрашув 1 соату 22 дақиқа давом этган.

Шу кунгача бу икки теннисчи ўзаро икки бор тўқнаш келишган ва ҳар иккалаларида биттадан ғалаба бор эди. Бугун эса Опелка ҳисобда олдинга чиқиб олди. Бироздан сўнг Санжар Файзиев ва Тейлор Фриц иштирокидаги яккаликнинг иккинчи баҳси бошланади.