Дэвис Кубоги. Бугун Бельгия - Ўзбекистон қарама-қаршилиги давом эттирилади

Бугун мазкур қарама-қаршилик доирасида яна учта ўйин ўтказилади. Бугунги баҳсларни жуфтлик учрашуви бошлаб беради. Бизнинг вақт билан соат 16:00да ҳамюртларимиз Сергей Фомин ва Максим Шин жуфтлиги Сандер Жилле ҳамда Йоран Влиеген ҳамкорлигига қарши кортга чиқади. 

Шундан сўнг навбат икки яккалик беллашувларига берилади. Аввалига Ҳумоюн Султонов Йорис де Лурга қарши кортга чиқса, кейин Киммер Коппеанс - Сергей Фомин учрашуви бўлиб ўтади. Балки, бу баҳсга ҳожат ҳам қолмас.  

Бугунги учрашувлар: 

Davis Cup. 17 сентябрь. "Sporthalg Alverberg" арена. Хард корт 

Ўзбекистон - Бельгия - 1:1

Сандер Жилле/Йоран Влиеген - Сергей Фомин/Максим Шин

Йорис де Лур - Ҳумоюн Султонов

Киммер Коппеанс - Сергей Фомин.

Эслатиб ўтамиз, кечаги илк кунги баҳслардан сўнг ҳисоб 1:1 кўринишида бўлиб турибди. Ҳумоюн Султонов Киммер Коппеансни мураккаб баҳсда мағлубиятга учратган бўлса, Сергей Фомин эйс зарбалар қироли Йорис ду Лурга имкониятни бой бериб қўйганди.