21 ноя 08:25
Янгиликлар

Теннис

Дэвис Кубоги. Испания 1/2 финалда!

Испания терма жамоаси эркаклар терма жамоалари ўртасидаги норасмий жаҳон чемпионати ҳисобланган Дэвис Кубогининг ярим финал иштирокчисига айланди.

Марсель Гранольерс ва Педро Мартинес Портеро жуфтлиги Чехия терма жамоаси теннисчилари Томаш Махач ҳамда Якуб Меньшикни қийинчилик билан тай-брекларда мағлуб этди - 7/6(8), 7/6(8).

Икки соату беш дақиқа давом этган баҳсда Гранольерс/Портеро 4, Махач/Меньшик жуфтлиги 9 та эйс зарбасини амалга оширди. Иккала томон ҳам биттадан брейкдан унумли фойдаланган. Испания терма жамоаси Чехияни умумий 2:1 ҳисобида мағлуб этиб, 1/2 финалга йўл олди.