Дэвис Кубоги. Ўзбекистон ва АҚШ ўз таркибларини эълон қилишди + ПОСТЕР

Ушбу баҳс терма жамоалар ўртасида норасмий жаҳон чемпионати ҳисобланган Дэвис Кубогининг жаҳон лигасига саралаш босқичи доирасида ўтказилади. Ғолиб жамоалар сентябрь ойида ўтказиладиган Дэвис Кубогининг финал босқичига йўл олади. 

Учрашувнинг илк кунида иккита яккалик баҳси, иккинчи кунида эса битта жуфтлик ва иккита яккалик баҳси ўтказилади. Мазкур сўнгги саралаш босқичида 24 та терма жамоа 12 та йўлланма учун кураш олиб боради.

Иккала терма жамоа мураббийлари томонидан таркиблар эълон қилинди. Мамлакатимизнинг иккинчи ракеткаси Денис Истомин сардор сифатида теннисчиларимизни кортга бошлаб тушади. Таркибдан шунингдек, Сергей Фомин, Ҳумоюн Султонов ва Санжар Файзиев жой олган. 

АҚШ терма жамоаси сафида Тошкентга Томми Паул, Женсон Бруксби, Макдональд Маккензи, Ражив Рам ва Остин Крайчик келади. 

Таққослаш учун, Фомин ATP рейтингида 362, Истомин 468, Султонов 489, Файзиев 1178-поғонани эгаллаб турибди. Томми Пол 32, Бруксби 48, Макдональд 63-ўриндан жой олган. Жуфтлик баҳсларида иштирок этувчи Ражив Рам жуфтликлар рейтингида 3, Крайчик эса 10-ўринни банд этган.