17 сен 12:37
Янгиликлар

Теннис

Дэвис Кубоги. Ўзбекистон - Япония 2:1. Жуфтликда иродали ғалаба

Тошкентда норасмий жаҳон чемпионати ҳисобланган "Дэвис Кубоги"нинг Жаҳон гуруҳи 1-босқичидан ўрин олган Ўзбекистон - Япония учрашуви давом этмоқда.

Ҳозиргина ушбу қарама-қаршиликда жуфтликлар ўртасидаги учрашув якунига етди. Санжар Файзиев ва Денис Истомин тандеми японияликлар Каито Уэсуги ҳамда Йосуке Ватануки ҳамкорлигига қарши кортга чиқди.

Икки соату уч дақиқа давом этган баҳсда Истомин ва Файзиев жуфтлиги 3/6, 7/6(2), 6/2 ҳисобида ғалаба қозонишга муваффақ бўлишди. Бу билан Ўзбекистон терма жамоаси 2:1 ҳисобида олдинги чиқиб олди.

Бироздан сўнг Сергей Фомин - Шо Шимабукуро баҳси бошланади. Умид қиламизки, Денис Истомин - Шинтаро Мочизуки учрашувига ҳожат қолмайди.