Дейвесон Фигередо Брандон Моренони ирқчиликда айбламоқда

Фигередо ташкилот раҳбариятига нима учун Брендон Морено билан қаторасига тўртинчи жанг ўрнига, Кай Кара-Франсга қарши жанг қилишни афзал кўришини тушунтирди.

"Ҳурматли Дана Уайт, менга, оиламга ва мамлакатимга берган имкониятингиз учун сизга раҳмат айтмоқчиман. Биласизми, мен ҳамма билан, исталган вақтда, исталган жойда жанг қилишга тайёрман. Шунинг учун Брандон Морено билан тўртинчи марта жанг қилмоқчи бўлдим, чунки мухлислар шуни хоҳлашди.

Морено жамоаси эса ирқчилик руҳиятидаги изоҳлари билан ҳадидан ошди. Улар мени маймун дейишди ва юзимни фотошоп қилишгача боришди. Шу муносабат билан чемпион сифатида UFC'дан менинг хоҳишимни инобатга олишини сўрайман – мен чемпионлик жангига лойиқ бўлган Кара Франс билан жанг ўтказмоқчиман", — деб ёзади бразилиялик ижтимоий тармоқдаги саҳифасида.