Диана Муродов — Миршерт жангига ўз тахминини айтди

Биз учун аҳамиятлиси, оқшомнинг асосий кардида ҳамюртимиз Маҳмуд Мурадов Жеральд Миршертга қарши октагонга кўтарилади. Россиялик Bellator аёл жангчиси Диана Авсарагова ҳамюртимиз иштирокида кечадиган жанг ҳақидаги фикрлари билан ўртоқлашди.

"Жеральднинг даража ва савиясини унинг Хамзат Чимаевга қарши ўтказган жанги кўрсатиб берди. Хамзат сониялар ичида Миршертни ухлатиб қўйди. Ўйлашимча, Маҳмуд Жеральд билан Чимаев қилган ишни такрорлайди. Мурадовнинг зарбалари жуда кучли ва залворли. У октагонда фақат нокаут учун ҳаракат қилади. Тахминим - Маҳмуд Мурадов биринчи раундда рақибини техник нокаут билан мағлуб этади, — дея Авсарагованинг сўзларини келтирмоқда Sport24.

Эслатиб ўтамиз, Маҳмуд Мурадов 2019 йилдан бери UFC промоушенида жанг ўтказиб келмоқда. Унинг ҳисобида 3 та ғалаба бор. Жеральд Миршерт эса 2016 йилдан UFC жангчиси ҳисобланади. У 13 та жангда 7 ғалаба ва 6 мағлубият қайд этган.