29 дек 09:10
Янгиликлар
Бошқалар, Футбол
Дилшод Раҳматов фаолиятини Хитойда давом эттиряпти
Футзал бўйича Ўзбекистон терма жамоаси етакчиси Дилшод Раҳматов фаолиятини Хитой чемпионатида давом эттиряпти.
Куни кеча футзалчимиз “Дальян Пуван Анбо” клуби билан шартнома имзолади. Клуб ва Раҳматов ўртасидаги келишув бир йилга мўлжалланган.
Агар ҳаммаси рисоладигидек давом этса, шартнома яна бир йилга узайтирилади. Бу клуб ўтган мавсумда Хитой вице-чемпиони бўлган эди.
Ҳозирча ўтказилган иккита турдан сўнг Хитой чемпионатида айнан “Дальян” клуби 6 очко билан тўплар нисбатига кўра пешқадамлик қиляпти. “Шеньжень” клуби ҳисобида ҳам 6 очко бор.
Маълумот учун, Хитой чемпионатида 10та жамоа иштирок этади. Учинчи тур учрашувлари 31 декабрь куни ўтказилади. 2016 йилнинг сўнгги куни “Дальян” ўз майдонида “Шанхай” жамоасини қабул қилади.
Ҳавола :
Манба : olamsport.com
Фикрлар