29 сен 12:48
Янгиликлар

Теннис

Димитров San Diego Open 1/8 финалига йўл олди

АҚШнинг Сан-Диего шаҳрида теннис бўйича нуфузли турнир давом этмоқда.

Дунёнинг 29-ракеткаси бўлиб турган Григор Димитров мусобақадаги иштирокини ғалаба билан бошлади. Болгариялик ракетка устаси 129 дақиқа давом этган учрашувда ATP рейтингида 41-поғонадан жой олган венгриялик Мартон Фучовичдан уч сет натижасига кўра устун келди - 6/3, 1/6, 7/5.

Баҳс давомида 30 ёшли Григор 2 та, 29 яшар Мартон эса 5 та эйс зарбани амалга оширди. Димитров теннисчиларнинг ўзаро учрашувларидаги ҳисобни қисқартирди - 1:2. Болгарияликнинг San Diego Open турнири нимчорак финалдаги рақиби канадалик Феликс Оже бўлади.