Диогу Далот: "Ўзбекистон курашувчан ва агрессив терма жамоа экан"

"Энг муҳими – ғалаба қозониш. Ишончли бўладими ёки йўқми, ғалабанинг оти – ғалаба. Гуруҳдан чиқиш учун фақат учта ўйин бор ва ҳар бир очко жуда қадрли. Ўзбекистоннинг Жаҳон чемпионатидаги биринчи ўйинини кузатдик. Улар жуда курашувчан ва агрессив терма жамоа экан. Ўйинчиларининг яккакурашлардаги маҳорати юқори, шунинг учун осон ўйин кутмаяпмиз. Конго билан ўйиндаги каби улар бизга ҳам қийинчилик туғдириши аниқ. Аммо бизнинг вазифамиз – ечим топиш ва ғалаба қозониш. Бу бизнинг асосий мақсадимиз.

Ўзбекистоннинг бешта ҳимоячи билан ўйнашига келсак, ҳа, чуқур ҳимояланадиган жамоага қарши ўйнаш доим қийин. Айниқса, рақиб зич ҳимоя чизиғини шакллантирганда, бўшлиқларни топиш осон эмас. Биринчи ўйиндаги хатоларимиздан бири ҳам шу бўлдики, марказда тезкор ечимларни топа олмадик. Эндиликда биз тайёр режа билан биргаликда, ўйин давомида вазиятга қараб мослаша олишни ҳам ўрганишимиз керак. Рақибнинг ҳимоявий услуби қанчалик агрессив бўлмасин, бизда бу тўсиқни ёриб ўтиш ва ғалаба қозониш учун етарли салоҳият ва сифатли футболчилар борлигига ишонаман", деди 27 ёшли футболчи.