Доҳа. Ҳумоюн Султонов яккаликда ярим финал, жуфтликда финал йўлланмасини қўлга киритди

Мусобақада иштирок этаётган ҳамюртимиз Ҳумоюн Султонов чорак финал доирасида россиялик Марат Шариповга қарши кортга чиқди. Уч сет давом этган учрашувда Султонов рақибини 5/7, 7/5, 6/0 ҳисобида мағлуб этиб, ярим финал йўлланмасини қўлга киритди. Бугун теннисчимиз ярим финал доирасида эстониялик Кристиан Таммга қарши баҳс олиб боради. 

Таққослаш учун Ҳумоюн айни пайтда жаҳон рейтингида 490, Кристиан эса 780-ўринни эгаллаб турибди. 

Жуфтлик баҳсларининг ярим финал доирасида Ҳумоюн ҳиндистонлик Парикшит Сомани билан бирга россиялик Бобров/Шарипов тандемига қарши ўйин ўтказди. Қувонарлиси, Султонов/Сомани тандеми рақибларини 4/6, 6/3, 12/10 ҳисобида мағлуб этиб, финал чиптасига эга чиқди. Энди финалда бу жуфтлик италиялик Жакопо Берреттитни ва эстониялик Кристиан Тамм шериклигига қарши кортга чиқади.