“Доимо спорт билан бўл” тадбири 400 нафардан зиёд иштирокчини жамлади

Мусобақада таълим даргоҳининг профессор-ўқитувчилари, талабалар қаторида маҳалла ёшлари, кексалар, кенг жамоатчилик вакиллари, бир қатор спорт турлари бўйича миллий терма жамоаларнинг аъзолари, маҳоратли спортчилар ҳам ғолиблик учун саф тортди.

Иштирокчилар сони 400 нафардан зиёдни ташкил этганининг ўзиёқ “Доимо спорт билан бўл” югуриш тадбири том маънода байрамга айланиб кетишига олиб келди. Ташкилотчилар ушбу тадбирни келгусида ҳафтанинг ҳар шанба куни доимий тарзда ўтказиб боришга келишиб олишди.

Саломатлик ва соғлом турмуш тарзи тарғиботига хизмат қилган югуриш мусобақаси сўнгида ғолиб ва совриндорлар ташкилотчилар томонидан муносиб рағбатлантирилди.