21 май 11:10
Янгиликлар
Бокс/ММА
Достон Бозоров чемпионлик камарини вакант қолдириб, Octagon League'ни тарк этди(ми?)
Ўзбекистонлик ММА жангчиси, енгил вазн тоифасида Octagon League чемпиони Достон Бозоров фаолиятини бошқа ташкилотда давом эттириши мумкин.
Достон учун аввал айтилганидек, 11 май куни Тошкентда бўлиб ўтган титул жанги Octagon League'даги сўнггиси бўлгани ойдинлашиб боряпти.
Камар учун биринчи рақамли даъвогар бошқа бир ҳамюртимиз, аввалроқ Бозоров билан жанг қилиши керак бўлган Мавлонбек Миркомилов ўз интервьюсида шунга ишора қилди:
"6 июль куни Ин Ша Аллоҳ жанг қиламиз. Турнир Самарқандда бўлади. Рақиб шу кунларда аниқ бўлади. Лекин ҳозирча Саят Абдуалини беришмоқчи бўлишяпти. Худо хоҳласа, Саят билан урушишимиз мумкин. Менежеримни айтишича, бу жанг камар учун бўлади. Мен биринчи ўриндаман, у "Ҳумо Арена"даги жангидан кейин иккинчи ўринга кўтарилди. Ҳар қандай рақибга қарши жанг қилишга тайёрман", дейди Миркомилов Olamsport.com мухбири Сарвиноз Раҳмонқулова билан суҳбатда.
Ҳавола :
Манба : olamsport.com
Фикрлар