Дубай (WTA). Симона Халепнинг юриши давом этади

Дунёнинг 23-ракеткаси бўлиб турган Симона Халеп мусобақанинг 1/4 финалида сайёрамизнинг 10-рақамли теннисчиси, тунислик Онс Жаберни 6/4, 6/3 ҳисобида мағлубиятга учратди.

Бир соату 22 дақиқа давом этган баҳсда Симона биронта ҳам эйс зарбани ижро эта олмади. Онсда бу кўрсаткичда биттани ташкил этди. Теннисчиларнинг ўзаро учрашувларидаги ҳисоб тенглашди - 1:1. Руминиялик теннисчи ярим финалда латвиялик Елена Остапенкога қарши кортга чиқади.