Дунё дзюдоси афсонаси бир ярим йиллик танаффусдан сўнг қайтмоқда

Икки карра Олимпиада чемпиони, 10 карра жаҳон чемпиони, кўпоаб халқаро мусобақалар ғолиби бўлган франциялик оғир вазн тоифасидаги спортчи 10-12 май кунлари Озарбайжон пойтахти Боку шаҳрида ўтказиладиган “Катта Дубулға” туркумига кирувчи рейтинг турнирида иштирок этади. 

Эътиборлиси, Боку турнири Ринер учун Токио-2020 Олимпиадаси йўлидаги биринчи рейтинг мусобақаси бўлади. Тедди сўнгги бор 2017 йилнинг ноябрь ойида Марокашда ўтган жаҳон чемпионатида иштирок этган ва мутлоқ жаҳон чемпионига айланганди. 

Шундан сўнг Ринер танаффус олди ва иккита жаҳон чемпионатини ўтказиб юборди. У ўтган йили айнан Бокудаги жаҳон чемпионатида иштирок этмади. Қолаверса, Токио мезбонлигида ўтадиган мундиалда ҳам қатнашмоқчи эмас. Лекин Тедди Олимпиадага бориш учун зарур рейтинг очколарини қўлга киритиш лозим.