14 фев 17:12
Янгиликлар

Теннис

Дунё рейтингида 747-поғонада бораётган Наоми Осака қайтмоқда

Қатар пойтахти Доҳа шаҳри бу ҳафта нуфузли WTA турнирига мезбонлик қилмоқда.

Ҳозирда дунё рейтингида 747-поғонада бораётган Наоми Осака учинчи давра иштирокчисига айланди. Япониялик теннис маликаси иккинчи даврада дунёнинг 67-ракеткаси, хорватиялик Петра Мартични мағлуб этди - 6/3, 7/6(9).

Теннисчиларнинг ўзаро иккинчи учрашувида ҳам Наомининг қўли баланд келди. Бир соату 47 дақиқа давом этган баҳсда Осака 7, Мартич 4 та эйс зарбасини амалга оширган. Кунчиқар юрт вакиласининг учинчи даврадаги рақибаси украиналик Леся Цуренко бўлади.