18 авг 20:02
Янгиликлар

Теннис

Дунёнинг биринчи ракеткаси "Мастерс" 1/4 финалида

АҚШнинг Цинцинатти шаҳрида ўтказилаётган "Мастерс" сериясига кирувчи турнирда чорак финал иштирокчилари маълум бўлди.

Дунёнинг биринчи ракеткаси Карлос Алькараз бош соврин учун асосий даъвогар бўлиб турибди. Испаниялик теннисчи учинчи даврада ATP рейтингида 13-ўринни эгаллаб турган америкалик Томми Полни қийинчилик билан мағлубиятга учратди - 7/6(6), 6/7(0), 6/3.

Бу билан Карлос теннисчиларнинг ўзаро учрашувларидаги ҳисоб мувозанатини тиклади - 2:2. Уч соату 14 дақиқа давом этган баҳсда Алькараз 6, Пол эса 11 та эйс зарбани амалга оширди. Қўшхатолар Томмида кўпроқ бўлди - 6 га 4. Брейклар ҳам худди шу кўринишда, фақат испаниялик теннисчи фойдсига - 6 га 4.

Энди Карлос 1/4 финалда австралиялик Макс Пёрселлга қарши кортга чиқади.