Дунёнинг биринчи ракеткаси Уимблдон учинчи босқичига чиқди

Сайёрамизнинг биринчи ракеткаси Ига Свёнтек бош соврин учун асосий даъвогар бўлиб турибди. Польшалик теннис маликаси иккинчи босқич баҳсида WTA рейтингида 85-поғонада бораётган хорватиялик Петра Мартични 6/4, 6/3 ҳисобида мағлубиятга учратди. 

Теннисчиларнинг ўзаро учрашувларидаги ҳисоб 4:0 кўринишига келди. Саксон дақиқа давом этган баҳсда Свёнтек 2, Мартич 1 та эйс зарбасини амалга оширган. Қўшхатолар ҳам худди шу кўринишда бўлди. Брейклар бўйича устунлик Ига томонда - 2 га 0! Энди у учинчи даврада қозоғистонлик Юлия Путинцевага қарши кортга чиқади.