08 янв 13:36
Янгиликлар
Теннис
Дунёнинг иккинчи ракеткаси 102-поғонадаги теннисчига ютқазди
Австралиянинг Аделаида шаҳрида ўтказилаётган теннис бўйича WTA турнири ўзининг ҳал қилувчи палласига кирди.
Мусобақанинг ярим финалида сайёрамизнинг иккинчи рақамли теннисчиси Онс Жабер кутилмаганда WTA рейтингида 102-поғонада бораётган чехиялик Линда Носковага 3/6, 6/1, 3/6 ҳисобида имкониятни бой бериб қўйди.
Бир соату 46 дақиқа давом этган баҳсда тунислик теннис маликаси 4 та, Носкова эса 8 та эйс зарбасини амалга оширган. Бу теннисчиларнинг ўзаро ўтказган илк учрашуви эди. Иккала теннисчи ҳам 2 тадан брейкка эга бўлган.
Эътиборлиси, Линда қаторасига олтинчи Топ-60 рейтингида бораётган теннисчини мағлубиятга учратди. Фаолиятида илк бор WTA турнири финалига чиқди. Бугун финалда беларуслик Арина Соболенкога қарши баҳс олиб боради. Ғалаба қозонган тақдирда Топ-50 рейтинигда дебют қилади.
Ҳавола :
Манба : gotennis
Фикрлар