17 июл 15:50
Янгиликлар

Теннис

Дунёнинг тўртинчи ракеткаси Гамбургдаги юришини тўхтатди

Германиянинг Гамбург шаҳрида ўтказилаётган теннис бўйича ATP турнири ўзининг ҳал қилувчи палласига кирди.

Сайёрамизнинг тўртинчи ракеткаси Стефанос Циципас Hamburg European Open турнирининг чорак финалида мағлубият аламини тотиб кўрди. Грециялик теннисчи рейтингнинг 44-поғонасидан жой олиб турган сербиялик Филип Крайиновичга имкониятни бой берди - 6/3, 1/6, 3/6.

Бир дақиқаси кам 2 соат давом этган баҳсда Стефанос 11 та, Филип эса 1 та эйс зарбасини амалга оширган. Крайинович теннисчиларнинг ўзаро учрашувларида ҳисобни қисқартиришга муваффақ бўлди - 2:1. Энди сербиялик ярим финалда ватандоши Ласло Дьерега қарши кортга чиқади.