02 июн 15:33
Янгиликлар

Дзюдо

Душанбе Гран-Приси. Аминова фаолиятида илк бор финалда, Кадамбаева эса бронза учун татамига чиқади + ФОТОГАЛЕРЕЯ

Теглар : Шукуржон Аминова Сита Кадамбаева

Тожикистон пойтахти Душанбе шаҳрида дзюдо бўйича Гран-Рри туркумига кирувчи турнирнинг биринчи кунги саралаш беллашувлари якунига етди.

Бугун дзюдочилар 5 та вазн тоифасида медаллар ҳамда Париж-2024 Олимпиадаси йўлидаги қимматли рейтинг очколари учун баҳс олиб боришяпти.

Қувонарлиси, -57 кг вазн тоифасида курашаётган ҳамюртимиз Шукуржон Аминова фаолиятида илк бор IJF турнири финалига йўл олди. У 1/2 финалда хитойлик рақибасини мағлубиятга учратди. Хоразмлик дзюдочимиз кечки дастурда италиялик Дэвид Капаннига қарши олтин медаль учун татамига чиқади.

Яна бир хоразмлик дзюдочи қизимиз Сита Кадамбаева (-52 кг) эса бронза медали учун баҳс олиб борадиган бўлди. Сита ярим финалда нейтрал байроқ остида курашаётган россиялик Алеся Кузнецовага 10 дақиқадан ошиқ давом этган муросасиз беллашувда шидо огоҳлантиришлари эвазига ютқазиб қўйди. Унинг бронза медали учун баҳсдаги рақибаси БАА шарафини ҳимоя қилаётган Хорлоодой Бишрелт бўлади.

ФИНАЛ

Шукуржон Аминова (Ўзбекистон) - Девид Капанни (Италия)

БРОНЗА УЧУН

Сита Кадамбаева (Ўзбекистон) - Хорлоодой Бишрелт (БАА)