22 фев 16:13
Янгиликлар

Дзюдо

Дюссельдорф. Штурбабин иккинчи ғалабасига эришди

Дюссельдорф шаҳрида “Катта Дубулға” туркумига кирувчи нуфузли турнир бўлиб ўтмоқда.

Жорий йил ҳисобидан иккинчи “Катта Дубулға” турнирида 10 нафар ўзбекистонлик полвонлар ҳам иштирок этяпти. Ҳамюртларимиздан биргина Диёра Келдиёрова ўз иштирокини якунлади.

-66 кг вазн тоифасидаги вакилимиз Артём Штурбабин эса мусобақадаги иккинчи ғалабасига эришди. Кичик Штурбабин илк даврада хитойлик Жикянг Вудан устун келганди. Ҳозиргина якунига етган иккинчи босқич учрашувида эса германиялик Мануэль Шейбелни мағлубиятга учратди.

Энди Артём чорак финал йўлланмаси учун кореялик Ким Лим Хванга қарши баҳс олиб боради. Ким иккинчи даврада россиялик таниқли дзюдочи Михаил Пуляевни енгишга муваффақ бўлди.