Дзюдо. 5 нафар спортчимиз медалга яқин

Куннинг эрталабки дастурида ўтказилган баҳслар якунларига кўра, 5 нафар дзюдочимиз бронза медали учун кураш олиб борадиган бўлди.

Эркаклар ўртасидаги баҳсларда -90 кг вазн тоифасида иштирок этаётган икки вакилимиз Шаҳзодбек Собиров ва Муҳаммадкарим Ҳуррамовлар ўтиш ўйинларида ғалаба қозониб, бронза медали учун жанг қилиш имкониятини қўлга киритишди.

-100 кг вазнли спортчимиз Шерали Жўраев эса ярим финалда имкониятни бой бериб қўйди.

Аёллар ўртасидаги жангларда Кумуш Юлдашова (-78 кг) ва Раҳима Йўлдошовалар (+78 кг) ҳам бронза медали учун бўладиган жангларда қатнашадилар.

Бугунги жанглар:

Шаҳзодбек Собиров - Шоичиро Мукаи (Япония)

Муҳаммадкарим Ҳуррамов - Донган Гвак (Жанубий Корея)

Шерали Жўраев - Саиджалол Саидов (Тожикистон)

Кумуш Юлдашова - Жеон Гюн Ли (Жанубий Корея)

Раҳима Йўлдошова - Гулжан Иссанова (Қозоғистон)