Дзюдо афсонаси Тедди Ринер Тошкентдаги жаҳон чемпионатига кела олмайди

Бир муддат аввал мусобақа медаллари учун асосий даъвогарлардан бири Франция терма жамоаси пойтахтимизга келадиган таркибини ошкор қилган ва ундан дзюдо афсонаси Тедди Ринер ҳам жой олган эди. 204 см бўйга эга Ринер Олимпиаданинг 3 та олтин, 2 та бронза, жаҳон чемпионатининг 11 та олтин, 1 та кумуш, 1 та бронза медалини қўлга киритганлиги, 5 карра Европа чемпиони эканлиги кўпчиликда қизиқиш уйғотаётганди. 

Афсуски, бироз аввал Тедди Ринернинг ўзи Инстаграмдаги саҳифасида жароҳати сабаб Тошкентга кела олмаслигини маълум қилди. Начора, жароҳатлар спортнинг ажралмас бўлаги. 

Маълумот учун, ҳамюртимиз Абдулла Тангриев Пекин Олимпиадасининг 1/2 финалида айнан Тедди Ринерни мағлуб этиб, финалга йўл олганди. Якунда Абдулла кумуш, Ринер эса бронза медали билан тақдирланган эди.