Дзюдо федерацияда масофавий фаолият самарали давом этмоқда

Жумладан, Ўзбекистон дзюдо федерациясида ҳам иш тўхтаб қолгани йўқ. Бугунги ахборот технологиялари яшин тезлигида тараққий этиб бораётган замонамизда федерация раҳбарияти, ходимлар, мураббийлар штабининг фаолияти масофадан туриб давом эттирилмоқда. 

"Биз мураббийлар телеграм ижтимоий тармоғида доимий ахборот, маълумот алмашишни йўлга қўйганмиз. Шунингдек, онлайн видео конференция орқали ҳам мулоқотга киришяпмиз. Мураббийлар спортчиларимизнинг карантин давридаги ҳолати, уларнинг соғлиқлари ҳақида кунлик маълумотларга эга бўлиб боришяпти. Кунлик машғулотлардан ташқари, карантин даврида бўш вақт кўп бўлишини инобатга олган ҳолда ўзига хос челленжлар ҳам йўлга қўйилган. Бу жараён ҳам ўз ўрнида бўш вақтни мазмунли ўтказиш учун хизмат қиляпти", - дейди Ўзбекистон Республикасида хизмат кўрсатган мураббий Равшан Аҳмаджонов.

Қадрли юртдошлар, барчамиздан уйда қолиш сўралмоқда. Зеро, фақат шу йўл билангина тезроқ коронавирус балосидан қутулиш мумкин. Талабларга тўлиқ риоя қилсак, коронавирус пандемиясини енгиш осон ҳамда тезроқ амалга ошади.