Дзюдо. Ҳафта қаҳрамонлари Тошкентда тантанали равишда кутиб олинди + ФОТО

Ярим тун бўлишига қарамай, ҳафта қаҳрамонларини кутиб олиш учун Ислом Каримов номидаги Тошкент халқаро аэропортида Ўзбекистон Туризм ва спорт вазирлиги, Мудофаа вазирлиги, Миллий Олимпия қўмитаси, мамлакат дзюдо федерацияси мутасаддилари, оммавий ахборот воситалари ходимлари, дзюдочиларнинг оила аъзолари ва кенг спорт жамоатчилиги ҳозир бўлди. Жаҳон чемпионати совриндорларига зарбоп тўн ва анвойи гуллар тақдим этилди. 

Эслатиб ўтамиз, дунёнинг 118 давлатидан сара дзюдочилар қатнашган мусобақанинг яккалик баҳсларида Давлат Бобонов (-90 кг) кумуш медаль билан бирга Токио Олимпиадасига қимматли 1400 рейтинг очкосини қўлга киритди. Якунда Ўзбекистон терма жамоаси 118 давлат орасида 13-ўринни егаллади. Микст, яъни аралаш жамоавий беллашувларда иштирок этган терма жамоамиз илк бор жаҳон чемпионатининг бронза медалига эга чиқди. Жамоамизнинг ёш дзюдочилар билан қатнашганини инобатга олсак, бу ижобий натижа экани ойдинлашади.

Суратлар муаллифи: Алимурод Мамадаминов