Дзюдо "Мастерс". Икки спортчимиз чорак финалга йўл олди

-81 кг вазн тоифасидаги дзюдочимиз Шарофиддин Болтабоев Қатар "Мастерс" турнирининг чорак финалига йўл оли.

Дзюдочимиз бироз аввал якунига етган беллашувда мўғулистонлик Ууганбаатар Отгонбаатарга қарши баҳс олиб борди ва рақибини мағлубиятга учратди. Бу мўғул дзюдочиси аввалига россиялик жаҳон чемпиони Хасан Халмурзаевни, кейин эса канадалик Энтони Валоис-Фортиерни таслим этган эди. Шарофиддиннинг чорак финалдаги рақиби айни дақиқаларда ўтказилаётган учрашувдан сўнг маълум бўлади.    

Бироз аввал Ҳикматуллоҳ Тўраев ҳам 1/4 финал йўлланмасини нақд қилди. Мураккаб кечган беллашувда -73 кг вазн тоифасидаги дзюдочимиз мўғулистонлик Тсогбаатар Тсенд-Очирни иппон баҳоси билан мағлубиятга учрата олди. Энди Тўраевни жиддий рақиб кутиб турибди. Ҳикматуллоҳ ярим финал йўлланмаси учун жаҳон чемпионатининг олтин (2018) ва бронза (2017) медаллари соҳиби, кореялик Ан Чангримга қарши татамига чиқади.