Дзюдо. МОҚ соврини учун мусобақасининг очилиш маросими бўлиб ўтди

Таэквондо WTF ассоциациясига қарашли «Универсал» спорт мажмуаси мезбонлик қилаётган турнирда дзюдочилардан ташқари кураш, белбоғли кураш ва самбо каби йўналишларда фаолият олиб бораётган спортчилар ҳам иштирок этишмоқда. 

Мусобақани ташкил қилишдан мақсад юқорида қайд этилган спорт турларида кашф этилган полвонларни дзюдога йўналтиришдир. Шу орқали Олимпия ўйинлари оиласига кирувчи дзюдода рақобатни ошириш мақсад қилиб қўйилган.

Кеча мусобақанинг очилиш маросими бўлиб ўтди. Баҳсларда юртимизнинг турли вилоятларидан ташриф буюрган 200 нафарга яқин спортчи ўз омадини синаб кўрмоқда.

Баҳслар эркаклар ўртасида -60, -66, -73, -81, -90, -100 ва +100 кг вазн тоифаларида, аёллар ўртасида эса -48, -52, -57, -63, -70, -78 ва +78 кг вазн тоифаларида бўлиб ўтмоқда.