Дзюдо. Москвадан хушхабар келишни бошлади

Ўз тарихида саккизинчи бор ташкил этилган “Nosov Cup” халқаро мусобақасида қизлар 2006-2008, ўғил болалар эса 2006-2007, 2008-2009, 2010-2011 йил ёш тоифасида баҳсларга киришишган. 

“Триумф” спорт саройи мезбонлик қилаётган турнирда Ўлмас Гуллиев мураббийлигидаги ўзбекистонлик 10 нафар ёш дзюдочи ҳам иштирок этяпти. Мусобақанинг биринчи куни -38 кг вазн тоифасида юртимиз шарафини ҳимоя қилган Иноят Телмонов бронза медалига сазовор бўлди. 

Бугун қолган дзюдочиларимиз ҳам ўз вазн тоифаларида татамига чиқишади. Гуллиев шогирдлари ўтган йилги ушбу турнирда жамоа ҳисобида биринчи ўринни қўлга киритишган эди. 

Мусобақага йўл олган таркиб:  

-30 кг: Билолбек Бекзодов

-28 кг: Шарофиддин Раҳмонов 

-34 кг: Сарвар Алижонов 

-38 кг: Иноят Телмонов, Азамат Калмурзаев 

-42 кг: Шоҳжаҳон Муқимов, Сарвар Абдуалимов

-50 кг: Иномжон Баҳодиров, Сарварбек Қаюмов 

+60 кг: Фазлиддин Рафиқов 

Мураббий - Ўлмас Гуллиев

Ўзбекистон дзюдо федерацияси матбуот хизмати