Дзюдочиларимиз Францияда ўқув-машғулот йиғинларини бошлашди

Ушбу йиғинда Шаҳрам Аҳадов, Сардор Нуриллаев, Ғиёсжон Бобоев, Шарофиддин Болтабоев, Шаҳзод Собиров, Шерали Жўраев, Муҳаммадкарим Ҳуррамов ва Бекмурод Олтибоев каби спортчиларимиз иштирок этишмоқда. Дзюдочиларимиз машғулотларда мураббий Жамшид Ҳудойберганов қўл остида шуғулланишмоқда. Шунингдек, шифокор Жавлон Ҳасанов ҳам уларга ҳамроҳ сифатида Францияга йўл олган.

Қайд этиш лозимки, ушбу йиғин спортчиларимиз учун олдинда турган муҳим мусобақалар, шу жумладан Жакартада бўлиб ўтадиган Осиё ўйинлари учун тайёргарликнинг муҳим босқичи ҳисобланади.