Дзюдочиларимиз Термизда эъзозланди + ФОТО

Машғулотларда асосий таркибнинг барча вакиллари бош мураббий Илиас Илиадис қўл остида иштирок этишяпти. Кечаги машғулот якунида Ўзбекистон дзюдо федерацияси раиси ўринбосари, Сурхондарё дзюдоси раҳбари Бекзод Тўрабоев терма жамоа аъзоларига зарбоп тўй кийдирди.

Таъкидлаш жоиз, ўқув-машғулот йиғинининг юқори савияда ўтиши учун Бекзод Тўрабоев бошчилигидаги мезбонлар барча шароитлар муҳайё қилишган. Ушбу машғулотлар Грузия "Катта Дубулға" турнирига тайёргарлик вазифасини ўтаб бермоқда.