Дзюдочиларимиз учун Циндао “Мастерс” турнири якунланди

Мукофот жамғармаси 300 000 АҚШ долларини ташкил қилувчи ушбу мусобақа ўзбекистонлик дзюдочилар учун муддатидан аввал якунланди. Оғир вазн тоифаларида юртимиз шарафини ҳимоя қилган Муҳаммадкарим Ҳуррамов ва Бекмурод Олтибоев иккинчи даврада ўз юришларини тўхтатишди. 

-100 кг вазн тоифасида татамига чиққан Ҳуррамов шу йилги жаҳон чемпионатининг бронза медали совриндори, голландиялик Майкл Коррелга вазари баҳоси эвазига имкониятни бой берди. +100 кг вазн баҳсларида иштирок этган Олтибоев эса бу йилги жаҳон чемпионатининг кумуш медали совриндори, Гран-при ва “Катта Дубулға” турнирлари ғолиби, япониялик Хисаёши Харасавага ютқазиб қўйди.