Дзюдочиларимиз учун психологик тренинг ўтказилди ФОТОГАЛЕРЕЯ

У ўзини қанчалик билади, қандай сокин ва хотиржам тутади, рақибини энг мақбул дақиқада мағлуб эта олиш қобилиятини аниқлашга қодирми?

Онг билан ишлашнинг кўплаб усуллари мавжуд, улар якунда ўзини тута олишга ёрдам беради. Унинг асосий мақсади онгни ўзидан ажратиш тушунчасини жорий этишдир. Яъни, спортчи жисмоний ҳолат билан бир қаторда унга ресурс сифатида муносабатда бўлган психологик ҳолатини ҳам тушуниши ва ҳис қилиши керак. 

Ўз кучини ва уни қандай бошқариш кераклигини билган ҳолда, киши энг самарали тактикаларни қўллаши, шунингдек, жанг ёки беллашувни олдиндан режалаштириши мумкин.

Япон амалиётида қўлланиладиган яна бир усул мавжуд. Бу ҳар бир инсон ташқи психология моҳиятига ўзгалар ёрдамисиз эришиши мумкин бўлган онг билан ишлаш, саволлар ва кичик вазифалар орқали ечим топишдан иборат.

Спортда психология муваффақиятнинг деярли ярми ҳисобланади. Спортчи баҳсга жисмонан тайёр бўлиши мумкинки, лекин руҳият билан муаммо юзага келса, натижа кутилган даражада бўлмайди. 

Ўзбекистон дзюдо федерацияси шу ҳолатларни инобатга олган ҳолда терма жамоа аъзолари учун психологик машғулотларни йўлга қўйди. 

Бир неча йилдан бери айнан спорт соҳасида фаолият юритиб келаётган тажрибали психолог Лола Агзамова дзюдо бўйича Ўзбекистон эркаклар ва аёллар терма жамоалари билан бирга психологик машғулот ўтказди. Дзюдочиларимиз ушбу тренингда катта иштиёқ билан иштирок этишди.