Дзюдочиларимиз VI Ислом бирдамлиги ўйинларида 10 та медаль қўлга киритишди + ФОТО

Ўзбекистон терма жамоаси муросасиз кечган икки кунлик беллашувлар якунида медаллар жамғариш бўйича 3 та олтин, 3 та кумуш, 4 та бронза медали билан 32 давлат орасида фахрли 2-ўринни банд этди.  

Эътиборлиси, Музаффарбек Тўрабоев Ислом Бирдамлиги ўйинларининг икки карра чемпионига айланди. У уч йил аввал Туркиянинг Конья шаҳрида ўтган V Ислом бирдамлиги ўйинларида -100 кг вазн тоифасида олтин медални қўлга киритганди. Коньяда Шаҳрам Аҳадов олтин, Алишер Юсупов кумуш медалга сазовор бўлганди. Ана шу уч дзюдочимиз ҳисобида энди Ислом бирдамлиги ўйинларининг иккитадан медали бор. 

Барча ғолиб ва совриндорларимиз:

Олтин медаллар

-66 кг: Замоҳшари Бекмуродов 

-90 кг: Шаҳзодхўжа Шарипов 

+100 кг: Музаффарбек Тўрабоев

Кумуш медаллар

-70 кг: Хуршида Раззоқбердиева

-73 кг: Шаҳрам Аҳадов 

+78 кг: Ирисхон Қурбонбоева 

Бронза медаллар

-48 кг: Лазиза Ҳайдарова

-57 кг: Шукуржон Аминова

-78 кг: Маржона Кўчимова 

+100 кг: Алишер Юсупов