Дзюдочиларимизга допинг масаласида тушунтириш берилди + ФОТО

Допинг можароси сабаб катта мусобақалардан бир неча йилга четда қолаётган ва ҳатто не машаққатлар билан қўлга киритилган Олимпиада медалидан мосуво бўлаётган спортчилар етарлича топилади. 

Ўзбекистон дзюдо федерациясида ўтказилган тадбирда айнан шу мавзуга эътибор қаратилди. 

Ўзбекистон Миллий антидопинг агентлиги ходимлари катталар, ёшлар ва ўсмирлар терма жамоамиз дзюдочилари билан учрашишди. Допингга қарши кураш мавзусида маъруза қилишди, тушунтириш ишлари олиб боришди ва семинар якунида турли қўлланма материаллар тақдим этишди.

Таъкидлаш жоиз, допинг масаласи ҳукумат назоратида бўлиб турибди. Бу борада муҳтарам Президентимиз видеоселектор йиғилишида ҳам алоҳида огоҳлантириб ўтган эдилар.