Дзюдочиларимизнинг Африка қитъасига йўл оладиган таркиби маълум

Rabat Grand Prix 2020 турнирида сайёрамизнинг 5 қитъаси 94 давлатидан жами 561 (337 эркак, 224 аёл) нафар дзюдочи иштирок этади. Рабат татамиларида юртимиз шарафини 13 нафар дзюдочимиз ҳимоя қилади. Мусобақа ғолиблари 700 рейтинг очкосига эга бўлишади. 

Бугун тунда, аниқроғи 03:25да Ўзбекистон терма жамоаси делегацияси Тошкент - Истанбул - Рабат авиа рейси билан Африка қитъасининг Марокаш давлатига жўнаб кетади. 

Бу сафар мураббийлар штаби қарорига кўра Дюссельдорф "Катта Дубулға" турнири ғолиби Муҳаммадкарим Ҳуррамов таркибга киритилмади. Унинг елкасида кичик жароҳат бор ва шу сабабдан мураббийлар таваккал қилишмади.   

Делегация таркиби:

-60 кг: Шарофиддин Лутфуллаев 

-66 кг: Сардор Нуриллаев, Муҳриддин Тиловов

-73 кг: Ҳикматуллоҳ Тўраев, Ғиёсжон Бобоев

-81 кг: Камолиддин Расулов, Шарофиддин Болтабоев

-90 кг: Давлат Бобонов

+100 кг: Алишер Юсупов, Бекмурод Олтибоев

Қизлар:

-52 кг: Диёра Келдиёрова

-70 кг: Гулноза Матниязова

-78 кг: Нодира Йўлдошева

Бош мураббий - Илиас Илиадис

Мураббийлар - Бекзод Тўрабоев, Ўктам Раҳмонов

Шифокор - Жавлон Ҳасанов