Эдди Хирн Александр Усикнинг сўнгги рақибини эълон қилди

Шунингдек, у хайрлашув жанги ўтказиб, фаолиятини якунлашини маълум қилганди. Британиялик таниқли промоутер Эдди Хирн эса украиналик фаолиятидаги сўнгги жангида ким билан жанг ўтказишни режалаштираётганини билишини таъкидлади.

Matchroom Boxing раҳбарининг сўзларига кўра, замонамизнинг энг яхши боксчиларидан бирининг рақиби супероғир вазн тоифасида собиқ жаҳон чемпиони, Усик ҳали учрашмаган авлоднинг кам сонли элита боксчиларидан бири Деонтей Уайлдер бўлади.

"Ўйлайманки, у аллақачон ҳамма нарсага эришган. У хоҳлаган нарсасини қилиш ҳуқуқига эга. Билишимча, унинг навбатдаги рақиби Деонтей Уайлдер бўлади. У айнан шу жангни ўтказмоқчи. У бунга фақат ишбилармонлик нуқтаи назаридан ёндашади ва шундай дейди: "Мен бу жанг учун қаердан кўпроқ пул ишлаб олишим мумкин?" Шундан сўнг у фаолиятини якунлайди.

"Биласизми, эҳтимол у бошқа мажбурий ҳимоя босими, 28 кунлик музокаралар, гонорар учун савдолашиш ва кейинги тўқсон кун давомида жанг қилишга мажбур бўлишни истамаслигини тушуниб етгандир. У Германияга бориб, Агит Кабайел билан жанг қилмоқчими? Бу риторик саволга жавоб йўқ", - дея Хирннинг сўзларини келтиради ММАmania нашри.

WBC йўналиши бўйича оғир вазн тоифасида собиқ жаҳон чемпиони Деонтей Уайлдер сўнгги жангини жорий йилнинг апрель ойида британиялик Дерек Чисорага қарши ўтказиб, очколар ҳисобига кўра ғалаба қозонганди. Александр Усик эса май ойида нидерландиялик Рико Верхувен устидан баҳсли жангда зафар қучиб, ўзига тегишли WBC, WBА-Super ва The Ring камарларини муваффақиятли ҳимоя қилган эди.