18 мар 09:13
Янгиликлар
Бокс/ММА
Эдди Хирн Канело-Усман эҳтимолий жанги ҳақида гапирди
Таниқли промоутер Эдди Хирн мутлақ жаҳон чемпиони Сауль Альварес ва UFC чемпиони Камару Усман ўртасида бокс бўйича жанг ташкил этилиши мумкинлиги ҳақидаги фикрлари билан ўртоқлашди.
"Камарунинг UFC билан шартномаси бор, лекин Дана Уайт тайёр бўлса, биз бу жангни муҳокама қилишимиз мумкин. Гарчи Усман Канелони мағлуб этишига заррача имкон кўрмасам-да, нега бу жанг бўлмаслиги керак?
Альварес ҳақида шуни айтишим мумкинки, у ҳеч қачон турли жангларнинг аҳамиятини, ҳатто Жек Пол тилга олинганда ҳам эътибордан четда қолдирмайди. Саулнинг ишончи комил: ҳеч қачон "ҳеч қачон" деманг. Сиз боксдаги биринчи рақамлига, UFCда вазн тоифасидан қатъи назар энг зўр жангчига мос бўлишингиз мумкин. Пул дунёни буриб юбормоқда", - дея Хирннинг сўзларини келтиради BJ Penn.
Эслатиб ўтамиз, аввалроқ Усман Канело билан бокс қоидалари бўйича жанг қилишни хоҳлашини айтган эди.
Ҳавола :
Манба : Сhampionat.com
Фикрлар